नागार्जुन–२ मा रास्वपाको वडा सम्पर्क कार्यालय उद्घाटन, घरदैलो कार्यक्रम सञ्चालन

मिति २०८२/१०/२२ गते बिहान ०८:३५ बजे काठमाडौँको नागार्जुन नगरपालिका वडा नं. २ रुम्बाचोकस्थित नागार्जुन–२ कार्यसमितिको आयोजनामा राष्ट्रिय स्वतन्त्र पार्टीको वडा सम्पर्क कार्यालय उद्घाटन तथा भेटघाट कार्यक्रम सम्पन्न भएको छ।

उक्त कार्यक्रममा काठमाडौँ क्षेत्र नं. ७ का स्वतन्त्र उम्मेदवार गणेश पराजुलीको विशेष उपस्थिति रहेको थियो भने रास्वपा काठमाडौँ क्षेत्र नं. २ निर्वाचन परिचालन समिति संयोजक योगेन्द्र कुमार श्रेष्ठ लगायत करिब २०–२५ जनाको सहभागिता रहेको आयोजकले जनाएको छ।

सम्पर्क कार्यालय उद्घाटन पश्चात् बिहान ०९:१० बजे रुम्बाचोकबाट घरदैलो कार्यक्रम सुरु गरिएको थियो। टोलीले नागार्जुन नगरपालिका वडा नं. २ का विभिन्न स्थानमा पुगेर स्थानीयसँग भेटघाट तथा संवाद गरेको थियो।

घरदैलो कार्यक्रम सम्पन्न भएपछि पुनः रुम्बाचोकमै फर्किएर कार्यक्रम समापन गरिएको जनाइएको छ।