सडक विस्तारका क्रममा ढिस्को खस्दा स्काभेटर चालकको मृत्यु

काभ्रेपलाञ्चोक —

 काभ्रेपलाञ्चोक जिल्लाको चौरी देउराली गाउँपालिका–७ टाडिगाउँस्थित मध्यपहाडी लोकमार्ग सडक खण्डमा सडक विस्तारका क्रममा भएको दुर्घटनामा एक स्काभेटर चालकको मृत्यु भएको छ।

मिति २०८३ साल वैशाख २२ गते साँझ करिब ५:२० बजे सडक चौडा बनाउन ट्र्याक खन्ने क्रममा माथिबाट ढुङ्गासहितको ठूलो ढिस्को खस्दा बा २ क २७९२ नम्बरको स्काभेटर पुरिएको थियो। उक्त दुर्घटनामा स्काभेटर चालक जिल्ला रौतहट पौराही गाउँपालिका–३ निवासी ४१ वर्षीय दिलिप स्माली क्याबिनभित्रै च्यापिएर घटनास्थलमै मृत्यु भएको प्रहरीले जनाएको छ।

घटनापछि स्थानीयवासी तथा सुरक्षाकर्मीको सहयोगमा उद्धार प्रयास गरिए पनि चालकको ज्यान जोगाउन नसकिएको हो। दुर्घटनाबारे थप अनुसन्धान भइरहेको प्रहरीले जानकारी दिएको छ।